Është pensionuar mësimdhënësi Misret Bislimi nga Prishtina, shkruan AlbanianEducation.net.
Njoftimi është dhënë nga shkolla “Meto Bajraktari” në Prishtinë.
Njoftimi:
Sot, më datë 05/12/2023, u pensionua mësimdhënësi shumë i respektuar nga të gjithë, Misret Bislimi.
Ai gjithmonë u karakterizua për vlera të larta që kanë demonstruar profesionalizëm, patriotizëm dhe atdhedashuri për Arsimin, Kombin dhe Vendin, duke dhënë kontribut të pamatshëm që do të ndikojë ndër breza.
Mësimdhënësi, Misret Bislimi ishte kudo dhe nuk u dorëzua asnjëherë, ndaj kësaj pune dhe këtij misioni fisnik edhe pse përjetoi periudhën e padrejtësive të shumta ndaj shqiptarëve, si përndjekjet, presionet, dënimet dhe vrasjet evshumta nga regjimi serbo-sllav.
Andaj, në emër të kolektivit të shkollës dhe në emër të të gjithë nxënësve të gjeneratave të ndryshme e falënderojmë mësimdhënësin, Misret për gjithçka që ka dhuruar për shkollën në veçanti dhe arsimin në përgjithësi. Me plotë të drejtë e themi, se ai ishte një pishtar i madh i arsimit dhe do të kujtohet si një veteran i vërtetë i kësaj fushe të shenjtë.
Të urojmë shëndet e pensionim të rehatshëm!
