Është pensionuar mësimdhënësi Maksut Hoti nga Rahoveci, i cili për 45 vite me radhë edukoi dhe arsimoi breza të shumtë nxënësish duke dhënë kontribut të çmuar, shkruan AlbanianEducation.net.
Njoftimi i drejtorit të Arsimit në Rahovec, Avni Morina:
Sot, më 20 tetor 2023 ka ditëlindjen edhe mësuesi i nderuar Maksut Hoti, të cilin gjithashtu po e përcjellim në pension.
Mësuesi Maksut Hoti nga Krusha e Madhe punoi me zell e përkushtim që nga viti 1978 dhe për 45 vite me radhë edukoi dhe arsimoi breza të shumtë nxënësish duke dhënë kontribut të çmuar
Në emër të Drejtorisë Komunale për Arsim, mësuesit Maksut Hoti i urojmë ditëlindjen dhe pensionimin.
Njëkohësisht, i urojmë shëndet dhe jetë të gjatë së bashku me familjen dhe miqtë e tij të shumtë.
Mirënjohje dhe respekt për të gjithë kontributin që ke dhënë në edukimin dhe arsimimin e shumë brezave.
Urime!
