Është pensionuar mësimdhënësi i muzikës, Ruzhdi Kryeziu, nga Rahoveci, shkruan AlbanianEducatio.net.
Njoftimin e ka dhënë drejtori i Arsimit në Rahovec, Avni Morina, përmes një postimi nê Facebook.
Postimi i tij:
Pas 42 vitesh përvojë pune në arsim, sot, më 15 maj 2024, arsimtari i muzikës Ruzhdi Kryeziu festoi ditëlindjen dhe ditën e pensionit.
Arsimtarit Ruzhdi Kryeziu i urojmë ditëlindjen dhe pensionimin, duke i dëshiruar jetë të gjatë dhe të lumtur në gjirin familjar.
Ai punoi në mësimdhënien e lëndës së muzikës në Shfmu “Lidhja e Prizrenit” në Opterushë, në Shfmu “Haki Stërmilli” në Zoqisht dhe në Paralelen e ndarë në Retijë.
Respekt dhe mirënjohje për kontributin jetësor në arsim, në edukimin dhe arsimimin e shumë brezave.
E gëzofsh pensionin, Ruzhdi Kryeziu!
