Është pensionuar mësimdhënësi Haki Gutaj nga Prizreni.
Njoftimin e ka dhënë shkolla “Mustafa Bakiu” n ë Prizren, shkruan Albanianzeducation.net.
Njoftimi:
U PENSIONUA MËSIMDHËNËSI HAKI GUTAJ
Sot, më 13 shkurt, mësimdhënësi Haki Gutaj festoi ditëlidjen e tij të 65-të dhe rrjedhimisht edhe pensionimin dmth ndarjen e tij nga kolektivi i shkollës, nga nxënësit dhe nga procesi mësimor.
Salla e edukatës fizike kishte marrë pamje festive. Aty ishin ulur kolegët dhe koleget me të cilët mësimdhënësi Haki Gutaj kaloi dekada të tëra me ditar në dorë. Nuk mugoi as familja e Hakiut: bashmëshortja dhe dy bijtë e tij, që i qëndruan pranë për ta përkrahur dhe për të mos e tradhëtuar emocionet.
Si zakonisht, e para foli drejtoresha e shkollës, znj. Behare Kryeziu, e cila fillimisht ia uroi ditëlindjen dhe pensionimin, duke i dëshiruar shëndet e jetë të gjatë, e pastaj e falënderoi për punën dhe përkushtimin e tij me dekada të tëra në ngritjen e cilësisë në mësimdhënie në veçanti në lëndën e gjuhës shqipe. Ndërkohë e nderoi edhe me mirënjohje.
Ndërkaq, në emër të mësimdhënësve ditëlindjen dhe pensionimin kolegut Haki Gutaj ia uroi dr. Naser Bresa. Ai veçoi bashkëpunimin kolegial dhe përkushtimin e tij për nxënësit dhe lëndën që e kishte shumë për zemër.
Hakiu një kohë është angazhuar edhe me nxënësit turq, të cilëve ua mësoi gjuhën shqipe. E në emër të mësimdhënësve dhe nxënësve turq, Hakiun e falënderoi mësimdhënësi Gani Shinik për angazhim dhe përkushtim të duhur.
Edhe nxënësit falënderuan mësimdhënësin e tyre, për të cilin thanë fjalët më të ëmbla. Madje ata recituan dhe interpretuan pika muzikore.
Pas këtyre fjalëve, pas gjithë atyre urimeve dhe pas kontributit më shumë se 40-vjeçar me ditar në dorë, emocionet janë të pashmangshme. Megjithatë, arsimtar Hakiu u përmbajt disi.
“Ju falënderoj të gjithëve për këtë pritje dhe për gjithçka që keni bërë për mua! Ju falënderoj për vlerësimin dhe për mirëkiptimin për mua gjatë rrugëtimit tonë të përbashkët në procesin mësimor dhe jashtë tij! Qenka vështirë të ndahesh nga kolegët, nga shkolla dhe nga nxënësit për të cilët kam derdhur djersë, mund, angazhim…”
