Është pensionuar veterani i arsimit në Rahoveci, Asim Kadiri. Me këtë rast shkolla ‘Liria’ në fshatin Fortesë ka organizuar një program ku u paqyrua puna e tij shumë vjeçare në edukimin e brezave, shkruan AlbanianEducation.net.
Si shenjë falënderimi për kontributin e dhënë në arsimimin dhe edukimin e shumë gjeneratave për katër dekada me radhë, drejtoria e shkollës i ndau mirënjohje mësuesit Asim.
Njoftimi i shkollës:
“Një mësues i mirë është si një qiri: Ai konsumon vetveten për t`ua ndriçuar rrugën të tjerëve.”
Në praninë e familjarëve, kolegëve, nxënësve, ish-nxënësve e mysafirëve të shumtë, u shfaq një program festiv/ përshëndetës me rastin e daljes në pension të mësuesit tonë, drejtorit të shkollës sonë, veteranit të arsimit, Asim Kadiri.
Ky program, u përgatit nga nxënësit dhe mësimdhënësit e shkollës sonë.
U thanë vargjet më të bukura, që na përlotën të gjithëve, vargje këto që pasqyronin punën e palodhshme të mësuesit tonë shumëvjeçar.
U shfaqën emocione të mëdha, nën tingujt e këngës dhe valles popullore.
Të gjithë u ndjemë krenarë për këtë ditë të veçantë të mësuesit tonë.
Si shenjë falënderimi për kontributin e dhënë në arsimimin dhe edukimin e shumë gjeneratave për katër dekada me radhë, drejtoria e shkollës i ndau mirënjohje mësuesit tonë të dashur.
Falënderime, mirënjohje e dhurata u dhanë edhe nga të pranishmit e tjerë.
Drejtoria e shkollës, mësimdhënësit, punëtorët teknikë dhe të gjithë nxënësit, i urojnë mësuesit tonë shëndet, jetë të gjatë dhe i janë falënderues për kontributin e dhënë!
Urime!
Me respekt: Drejtori i shkollës, Elhami Zhuniqi!
