Pensionohet Imer Zejnullahu, mësimdhënësi i shquar nga Vushtrria

Pas 42 vite karriere të shkëlqyer të shënuar nga pasioni dhe përkushtimi për mësimdhënie, mësimdhënësi Imer Zejnullahu është pensionuar nga profesioni i mësimdhënësit të lëndës së Gjuhës dhe Letërsisë Shqipe në “SHMU-2” të Vushtrrisë.

Ky moment emocionues shënon mbarimin e një kapitulli të rëndësishëm në jetën e tij profesionale dhe kontributin e çmuar që ka dhënë për arsimimin e brezave të rinjë.

Kolegët dhe nxënësit e tij i shprehin respektin dhe falenderimet e tyre për kontributin e jashtëzakonshëm që ka dhënë gjatë viteve.