Shkolla “Azem Bejta” në Prekaz të Epërm ka njoftuar se janë pensionuar tre mësimdhënës të saj, Fehmi Shabani, Jashar Jashari dhe Fadil Idrizi, shkruan AlbanianEducation.net.
Ata për rreth 40 vite ia kushtuan jetën arsimit dhe edukimit të brezave të tërë.
Shkolla thotë se puna, përkushtimi dhe kontributi i tyre do të mbeten gjithmonë pjesë e historisë së shkollës.
Njoftimi i shkollës:
Sot, me shumë respekt dhe mirënjohje, i përcjellim në pension tre kolegë të çmuar të shkollës sonë, Fehmi Shabani, Jashar Jashari dhe Fadil Idrizi, të cilët për rreth 40 vite ia kushtuan jetën arsimit dhe edukimit të brezave të tërë.
Puna, përkushtimi dhe kontributi i tyre do të mbeten gjithmonë pjesë e historisë së shkollës sonë. Faleminderit për çdo mësim, këshillë dhe vlerë që keni përcjellë ndër vite.
Ju urojmë shëndet, lumturi dhe ditë të qeta e të bukura në këtë kapitull të ri të jetës. Pensionim të mbarë dhe respekt të pafund për gjithçka që keni dhënë!
