Pensionohet edukatorja Shpresa Hixha, pas një karriere të ndritur në shkollën “Abdyl Frashëri” të Prizrenit.
Në një atmosferë të ngrohtë dhe plot emocione, stafi i shkollës “Abdyl Frashëri” në Prizren ka nderuar edukatoren Shpresa Hixha, e cila ka përfunduar rrugëtimin e saj profesional dhe ka hyrë në fazën e pensionimit.
“Gjurmët që ka lënë tek gjenerata të tëra do të mbeten gjithmonë të paharrueshme”, thuhet në mesazhin e lëshuar nga Drejtoria e Shkollës.
Gjatë viteve të saj në arsim, edukatorja Shpresa ka qenë një figurë e dashur dhe e respektuar, duke u kujdesur me përkushtim për fëmijët në hapat e parë të dijes. Ajo ka ndihmuar në formimin e karakterit dhe vlerave të shumë brezave, me një qasje që ka përzier profesionalizmin me ndjeshmërinë prindërore.
Stafi i shkollës u mblodh për ta përshëndetur me respekt dhe mirënjohje, duke i uruar shëndet, qetësi dhe gëzime në këtë etapë të re të jetës.
