Pas afër tre dekadash kontribut në arsimin shqip, është pensionuar sot Arife Gashi, edukatore në shkollën fillore “Kajtaz Ramadani” në Kijevë, shkruan AlbanianEducation.net.
Mësuesja Arife e kapi ditarin në kohë mjaft të vështira, pak para fillimit të luftës, konkretisht në vitin 1996.
Ajo nga ky vit, edukoi shumë breza nga Kijeva dhe fshatrat përreth.
Me rastin e pensionimit të saj, shkolla sot organizoi një aheng, ku iu nda mirënjohje nga Drejtoria e shkollës dhe përfaqësues të SBASHK-ut.
Ndërsa, kolegët dhe nxënësit e përshëndetën të gjithë, duke i uruar çdo të mirë në jetë.
Edhe shkolla ka bërë një njoftim për pensionimin e mësueses Arife ku e ka falënderuar për edukimin e shumë brezave.
“Sot me rastin e datëlindjes dhe pensionimit të mësueses Arife Gashi, e gjithë puna juaj e palodhur deri tani ka dhënë rezultat, ne ju urojmë shëndet dhe jetë të gjatë dhe të lumtur, faleminderit që edukove aq shumë breza. Urime pensionimi mësuesja Arife!”, thuhet në njoftimin e shkollës.
