Është pensionuar arsimtarja e shkollës “Dardania” në Prishtinë, Sevdije Maliqi.
Shkolla në njoftim thotë pas shumë vitesh përkushtimi dhe pune të palodhur, mësuesja Sadije lë pas një trashëgimi të pasur frymëzimi, urtësie dhe krijimtarie në zemrat e nxënësve dhe kolegëve të saj, shkruan AlbanianEducation.net.
Postimi i shkollës:
Me mirënjohje dhe respekt të thellë, ju njoftojmë për pensionimin e arsimtares sonë të nderuar të artit, znj. Sevdije Maliqi.
Pas shumë vitesh përkushtimi dhe pune të palodhur, znj. Sevdije lë pas një trashëgimi të pasur frymëzimi, urtësie dhe krijimtarie në zemrat e nxënësve dhe kolegëve të saj.
Kontributi i saj i çmuar në edukimin dhe zhvillimin artistik të gjeneratave të shumta ka qenë një burim motivimi dhe pasurie për shkollën tonë.
Për të nderuar këtë arritje të jashtëzakonshme, në ambientet e shkollës u organizua një ceremoni e veçantë, ku nxënësit, stafi dhe drejtoria shprehën mirënjohjen dhe vlerësimin e tyre të sinqertë për punën dhe përkushtimin e znj. Maliqi.
Falënderojmë znj. Sevdije Maliqi për angazhimin dhe kontributin e saj të shkëlqyer në arsimin dhe edukimin artistik. I urojmë shëndet, lumturi dhe suksese në këtë kapitull të ri të jetës së saj!
Me respekt,Drejtoria
