Pas një angazhimi të gjatë dhe të përkushtuar në arsim, pensionohet arsimtari Fadil Jusufi, një nga figurat më të respektuara të arsimit shqip në Kërçovë.
Studimet e larta i ka ndjekur në vitet 1984–1986 në Shkollën e Lartë Pedagogjike në Shkup, në drejtimin Histori–Gjeografi.
Që nga viti 1987, ai nisi punën si arsimtar në shkollën fillore ne fshatin Tuhin ndërsa më pas kontribuoi edhe në shkollën “Rexhe Rushit – Zajazi”.
Në nëntor të vitit 1998 u emërua drejtor i shkollës fillore në Jagoll, ku nën drejtimin e tij u bë ndryshimi i emrit të shkollës nga “Dame Gruev” në “Naim Frashëri”, një akt me rëndësi të veçantë kombëtare.
Paralelisht, Fadil Jusufi ndoqi studimet universitare në Fakultetin e Gjeografisë në Universitetin e Tiranës.
Përveç arsimit, Fadil Jusufi ka dhënë kontribut të çmuar edhe në jetën kulturore, duke qenë drejtori i parë i Teatrit “Xha Deralla”, ku u krijuan mundësi për shumë aktorë të shfaqin talentin e tyre. / Marrë nga TV Gurra
