Janë pensionuar dy profesorët nga Mitrovica, Sadete Hajrizi dhe Bahri Hajredini, shkruan AlbanianEducation.net.
Postimi nga gjimnazi Frang Bardhi:
Në një atmosferë me emocion, festuam Festat e Nëntorit dhe nderuam dy kolegë të shquar, profesoreshën Sadete Hajrizi dhe profesorin e nderuar Bahri Hajredini, të cilët pas një karriere të shkëlqyer, tani po kalojnë në fazën e pensionit.
Kontributi i tyre, sidomos gjatë viteve të 90-ta, mbetet i paharruar, kur, në periudhën më të errët për Kosovën, ata ofruan një mbështetje të jashtëzakonshme për arsimin, duke ruajtur dinjitetin e tij në kushte shumë të vështira.
Ata ishin jo vetëm udhërrëfyes, por edhe shembuj të pasionit dhe përkushtimit ndaj dijeve, duke formuar breza të rinj me vlera të larta.
Me mirënjohje të thellë, i falenderojmë për çdo sakrificë dhe mund, duke i uruar atyre një pension të qetë dhe të lumtur.
