Kryetari i komunës së Vitisë, Sokol Haliti, së bashku me drejtoreshën e Arsimit në Viti, Arta Ajetin kanë pritur sot në takim profesorin e artit Musa Sadiku e mësimdhënësin Sylejman Azemi, të cilët sapo janë pensionuar, shkruan AlbanianEducation.net.
Ai me këtë rast i ka falënderuar secilin veç e veç për kontributin e dhënë në institucionet arsimore dhe bashkëpunimin e vazhdueshëm.
Kryetari Haliti vlerësoi lartë kontributin e tyre të dhënë ndër vite, duke i cilësuar si shembull për sjellje të mira me palë e nxënës dhe përkushtimin në punë, në të mirë të vendit dhe qytetarëve dhe shoqërisë, me ç’rast i nderoi me nga një mirënjohje.
Përndryshe, Musa Sadiku ka punuar si profesor i artit në gjimnazin “Kuvendi i Lezhës” në Viti, ndërsa Sylejman Azemi si mësimdhënës në shkollën “Dëshmorët e Lubishtës” në fshatin Lubishtë. /AlbanianEducation.net./.
