Studenti i mjekësisë Zino Veleshnja, studentët e mjekësisë paguajnë tarifën më të lartë të mundshme nga të gjithë universitetet e tjera.
I ftuar në emisionin “Now“ në Euronews Albania, ai i ka kërkuar llogar Entela Ramosaçaj, Zv.ministre e Shëndetësisë në lidhje me deklaratat që kanë bërë për kostot e studentëve pasi janë të kundërta me deklaratën që ka bërë rektori i Univeristetit pak javë më parë.
“Detyrim është kur të vendoset një masë kufizuese. Studentët e mjekësisë paguajnë tarifën më të lartë të mundshme nga të gjithë universitetet e tjera. Po të dëgjosh ministren dhe zv.ministren duken se me një projekt-ligj kanë zgjidhur të gjithë problemet e mjekësisë. Kush e vendos tarifën të barabartë me koston reale. Rektori i Fakultetit të Mjekësisë ka thënë publikisht se një kosto e përafërt e përllogaritur prej nesh është 3 mijë euro por që nuk është 300 euro në vit. Në relacionin e Këshillit të Ministrave thuhet që kostoja vjetore e Universitetit të Mjekësisë është 678 mijë lekë të vjetra në vit. Tani gënjen rektori brenda 3 javësh apo Këshilli i Ministrave”- tha ai.
