Gjimnazi “Kuvendi i Arbërit” në Ferizaj ka tërhequr vëmendjen se sipas informatave që posedojnë disa maturantë kanë filluar organizim për aheng të njohur si parambrëmje e maturës, por bën me dije ky organizim nuk është bërë nga shkolla apo ndonjë këshill i caktuar i shkollës, shkruan AlbanianEducation.net.
Njoftimi i shkollës:
Sipas informatave që posedojmë disa maturantë kanë filluar organizim për aheng të njohur si parambrëmje e maturës. Prandaj Gjimnazi, përmes këtij njoftimi, informon nxënësit maturantë e veçanërisht prindërit, që ky organizim nuk është bërë nga shkolla apo ndonjë këshill i caktuar i shkollës.
Duke mos qenë organizim shkollor, njoftohen prindërit se pjesëmarrja e fëmijëve të tyre në këto organizime është përgjegjësi e tyre, dhe shkolla nuk mban përgjegjësi për çfarëdo që ndodh në kësilloj organizime private.
