Momenti kur leopardi hyn në klasën e një shkolle dhe sulmon një nxënës

Një leopard është parë në qytetin verior të Indisë, Aligarh, pasi hyri në një shkollë dhe sulmoi një nxënës.

Sipas BBC, nxënësi, i cili pësoi lëndime të lehta, tha se doli me vrap nga klasa kur pa kafshën të fshehur aty.

Leopardi u kap pas një përpjekjeje të gjatë 11-orëshe.

Zyrtarët kanë potencuar se leopardi mund të ketë hyrë në shkollë nga një zonë pylli aty pranë.

Konfrontimet mes leopardëve dhe njerëzve janë bërë dukuri të rregullta në Indi, pasi habitatet në tkurrje i detyrojnë leopardët të kërkojnë ushqim në fshatra dhe qytete.