Javët e fundit disa raste të dhunës kanë ndodhur në shkollat e Kosovës.
Një përleshje fizike ka ndodhur në mes dy nxënëseve në gjimnazin “Hajdar Dushi”, në Gjakovë.
Ngjarja raportohet të ketë ndodhur të premten, ndërsa në një video të publikuar nga lajmi.net shihen dy femra duke u rrahur mes vete brenda objektit të kësaj shkolle.
Një tjetër rrahje ka ndodhur mes në shkollën fillore “Rudolf Walther” të fshatit Dejnë të Rahovecit.
Një nxënës ka sulmuar brutalisht një nxënëse brenda hapësirave të shkollës.
Nga videot e publikuara nga Sinjali shihet se nxënësi, në mënyrë të pakontrolluar – godet me grushte, teksa e përplas edhe kokën e viktimës disa herë për banke, duke i shkaktuar lëndime trupore.
Një rrahje masive ka ndodhur të premten që lamë pas në shkollën fillore “Meto Bajraktari” në Prishtinë.
Në një video të siguruar nga lajmi.net, shihet se përleshja fizike ndodhi në mes disa nxënësve të gjinisë mashkullore.
