Ministrja e Arsimit, Arbërie Nagavci, ka njoftuar se ka nënshkruar organizimin e Olimpiadës së Gjuhës Shqipe për Shkollat e Mesme, e cila do të zhvillohet në marsin e vitit 2025, shkruan AlbanianEducation.net.
Njoftimi i Nagavcit:
Së bashku me homologen time, Ministren Ogerta Manastirliu, nënshkruam organizimin e Olimpiadës së Gjuhës Shqipe për Shkollat e Mesme, e cila do të zhvillohet nga Ministria e Arsimit, Shkencës, Teknologjisë dhe Inovacionit në Republikën e Kosovës dhe Ministria e Arsimit dhe Sportit në Republikën e Shqipërisë në marsin e vitit 2025.
Vazhdojmë të ndërmarrim hapa konkretë për inkurajimin e të rinjve e të rejave për promovimin e vlerave të gjuhës sonë amtare, duke nisur në familje e në shkollë, gjatë gjithë jetës dhe me të gjitha format.
