E martë, 23 Korrik, 2024

OBSH-ja kërkon që fëmijët më të rritur se 12 vjeç të bartin maska

- Advertisement1-

Organizata Botërore e Shëndetësisë ka thënë se fëmijët që nga mosha 12-vjeçare dhe më të rritur duhet të bartin maska për të ndihmuar në parandalimin e pandemisë së koronavirusit.

Sipas OBSH-së, këta fëmijë duhet t’i bartin maskat sikur të rriturit, ndërsa ata nga mosha 6 e deri 11 vjeç duhet t’i bartin maskat në raste ku ka shenja rreziku.

- Advertisement -

Fëmijët më të rritur se 12 vjeç duhet të bartin maska kur distanca prej një metër me të tjerët s’mund të mbahet, ka thënë OBSH-ja dhe Fondi i Kombeve të Bashkuara për Fëmijët (UNICEF) në një dokument të publikuar bashkë, raporton “Reuters”.

Teksa për fëmijët mes 6 dhe 11 vjeç bartja e maskës varet nga shumë faktorë, duke përfshirë intensitetin e transmetimit në hapësira të caktuara, mundësinë që fëmija të bartë një maskë, e kontrollit nga të rriturit, kanë thënë dy organizatat.

Fëmijëve më të vegjël nuk u kërkohet të bartin maska bazuar në sigurinë dhe interesin e përgjithshëm për fëmijët.

Studimet kanë treguar se fëmijët mund të luajnë rol aktivë në bartjen e koronavirusit, kanë thënë OBSH-ja dhe UNICEF-i duke shtuar se duhen më shumë të dhëna për të kuptuar rolin e vërtetë të bartjes së virusit nga ta.

Fillimisht OBSH-ja më 5 qershor kishte kërkuar nga njerëzit të bartin maskat për të reduktuar shpërndarjen e koronavirusit, ndërsa më herët s’kishte ndonjë udhëzim për fëmijët.

Më shumë se 23 milionë njerëz janë regjistruar si të infektuar me koronavirus në gjithë botën që kur u identifikua në fund të vitit të shkuar në Kinë. 800 mijë kanë humbur betejën me COVID-19.

Share

Të fundit

Të tjera nga kategoria

Gjest human: Mërgimtari që jeton në Gjermani do ta paguajë shumën për shërimin e 13 vjeçares

Dje dhe sot nëpër media ka qarkulluar thirrja për ndihmë ndaj Rinesa Danit. Për trajtimin...

9 vjeçarit nga Prizreni, Benjamin Beqirit i duhet ndihmë financiare për shërim

Benjamin Beqiri nga Prizreni, i cili po përballet me disa sëmundje që në lindje...

Alp Morina (1-vjet e gjysmë), nga Lumishta e Malishevës ka nevojë për ndihmë

Apel për ndihmë! Alp (Liridon) Morina, nga fshati Lumishtë komuna Malishevë, mosha 1vit e gjashtë...

Vipa çips: Sigurinë e kemi gjithmonë në nivel, po eksportojmë në Itali pa asnjë pengesë

Kompania ‘Pestova’ ka reaguar lidhur me lajmin që u publikua në media lidhur me...