Një vit pas djegies së objektit të shkollës së parë shqipe, për të cilin VV-ja në pushtetin qendror e PDK-ja në qeverisjen lokale shkëmbyen akuza e kundëraakuza të ashpra, kryetari i Ferizajt dhe zëvendësministrja e kulturës janë bërë bashkë për të inauguruar objektin e rinovuar, që tash e tutje do t’u takojë nxënësve të shkollës së mesme të artit, “Çesk Zadeja”.
Kryetari Agim Aliu i ka bishtnuar përplasjes së vitit të kaluar, shkruan Tv Tema.
Renovimi është investim i Ministrisë së Kulturës.
Në klasat e ish-gjimnazit të parë në Ferizaj janë ekspozuar fotografi të objekteve të trashëgimisë kulturore të rajoneve të Ferizajt dhe të Gjilanit.
Nxënësit e shkollës së mesme të artit do të zhvendosen menjëherë në këtë objekt.
Nxënësit kanë thënë se krijimi i hapësirave të reja do të lehtësojë jashtëzakonisht punën e tyre.
