Nxënësja Yllka Pireva, fituese e garave të recitatorëve “Flakadani i Karadakut 2025”

Në kuadër të Manifestimit tradicional kulturor e sportiv “Flakadani i Karadakut”, sot janë mbajtur garat rajonale të recitatorëve për shkollat e mesme, shkruan AlbanianEducation.net.

Pjesëmarrës ishin shkollat e mesme të komunave Kamenicë, Gjilan, Kaqanik e Viti.

Fituese e edicionit të 24 të këtyre garave, ishte nxënësja nga Dardana, Yllka Pireva e cila zuri vendin e parë.

Vendi i dytë i takoi nxënëses Egzona Shabiu, ndërsa vendi i tretë Ejona Zenelit.

Manifestimi “Flakadani i Karadakut”, vazhdon me aktivitetin e radhës sonte me natën e dytë të festivalit muzikor, ndërkohë nesër do të mbahet Ora e madhe letrare, si dhe nata finale e festivalit “Flakadani i Karadakut 2025” që i kushtohet dëshmorit të kombit Njazi Azemi ‘Komandant Mjekrra.