Nxënësja Vesa Xhymshiti nga Gjilani zë vendin e parë në garat e matematikës në Kosovë

Vesa Xhymshiti nxënëse e klasës së VI/1 në SHFMU “Thimi Mitko”, Gjilan ka zënë vendin e parë në garën ndëkomunale të matematikës të mbajtur në Ferizaj, shkruan AlbanianEducation.net.

Vesa ka marrë totalin e pikëve, gjithsejt 100, çka e bën triumfin e saj edhe më madhështor.

Ajo doli e para në nivel të klasave të gjashta ndër 9 komuna sa ishin në garë.

Vesa do të përfaqëson Kosovën në garën Ndërkombëtare në Nju Jork këtë muaj, NEO SCIENCE OLYMPIAD si medaliste e artë, si dhe në korrik si medaliste e argjend në Holandë, në STEM SCIENCE OLYMPIAD.