Nxënësja Sena Tyfekçi, nga Prizreni fiton vendin e tretë në garën e organizuar nga BQK

Nxënësja e Gjimnazi “Gjon Buzuku” – Prizren Sena Tyfekçi, Xl/2, ka shkëlqyer duke fituar vendin e tretë në garën e organizuar nga Banka Qendrore e Kosovës në kuadër të edukimit financiar.

Njoftimin e ka dhënë shkolla, ku tutje thuhet se gara, që ka përfshirë pjesëmarrje nga të gjitha qytetet e Kosovës, ka vlerësuar esen e saj me temë “Kursej me Mençuri”.

“Sena, përveçse një fituese e kësaj gare, është gjithashtu një nxënëse e shkëlqyer dhe e talentuar në fushën e arteve.Senës i urojmë suksese të mëtutjeshme!”, thuhet në njoftim.