Sot, më 25 shkurt 2023, në SHF “Abdyl Frashëri” në Prizren, u mbajtën garat shtetërore nga lënda e Fizikës, të organizuara nga Shoqata Kosovare e Fizikës, në të cilat gara morën pjesë edhe nxënës nga shkollat e Vushtrrisë: SHFMU ”Emin Duraku” Novolan, SHFMU- Pestova, SHFMU- Nedakoc dhe nga Gjimnazi “Eqrem Çabej” Vushtrri.
Atje, nxënësja e Gjimnazit “Eqrem Çabej” në Vushtrri, Tuana Grabvoci, ishte ndër të vetmet që prezantoi projektin e saj me robot, bazuar në ligjet e Paskalit dhe Arkimedit.
Prezantimi u bë para prof.dr. Sadik Bekteshit, drejtoreshës së DKA-së në Prizren, Televizionit Besa dhe para të gjithë mësimdhënësve e nxënësve pjesëmarrës.
Nxënësit garues ishin të shoqëruar nga zyrtarë të DKA-së, drejtorë të shkollave dhe profesorë të fizikës nga Vushtrria.
