Shkolla “Pjetër Bogdani” në Prishtinë ka njoftuar se nxënësja Jara Govori ka botuar dy libra.
Titujt e librave janë “Aventurat e Blendit dhe Bletës” dhe “Magjia e Gjërave të Vogla”
Njoftimi i shkollës:
Njoftimi i shkollës “Pjetër Bogdani” në Prishtinë:
📚✨ PROMOVIMI I LIBRAVE TË NXËNËSES JARA GOVORI ✨📚
NXËNËSJA E KLASËS V/1
Sot, në ambientet e bibliotekës së shkollës sonë, patëm kënaqësinë dhe krenarinë të promovojmë dy librat e autores së re dhe shumë të talentuar, Jara Govori:
📖 “Aventurat e Blendit dhe Bletës”
📖 “Magjia e Gjërave të Vogla”
Ky aktivitet i veçantë dëshmoi se talenti, imagjinata dhe dashuria për librin nuk njohin moshë.
Përmes tregimeve të saj plot kreativitet, ndjenja dhe mesazhe edukative, Jara na ftoi të udhëtojmë në një botë ku miqësia, mirësia, guximi dhe vlerësimi i gjërave të vogla marrin kuptim të veçantë. 🌟
👏 Jara është shembull frymëzimi për bashkëmoshatarët e saj, duke dëshmuar se ëndrrat mund të shndërrohen në realitet kur shoqërohen me përkushtim, punë dhe pasion.
🌷 I urojmë autores sonë të re shumë suksese në rrugëtimin e saj letrar dhe shpresojmë që këto libra të jenë vetëm fillimi i një historie të bukur krijuese.
🙏 Falënderojmë të gjithë të pranishmit që me pjesëmarrjen e tyre e bënë këtë promovim edhe më të veçantë dhe më domethënës.
📚💫 Sot promovuam dy libra, por mbi të gjitha festuam talentin, ëndrrat dhe fuqinë e fjalës së shkruar. 💫📚
