Nxënësja Elsa Abedini, e klasës IV/1 në shkollën “Xhavit Ahmeti” në Prishtinë, po merr pjesë në festivalin ndërkombëtar “Luajmë dhe Vallëzojmë”, i cili po mbahet në Durrës të Shqipërisë.
E njohur për suksesin e saj të shkëlqyer në mësime dhe sjelljen shembullore, Elsa po përfaqëson denjësisht shkollën, Prishtinën dhe Kosovën në këtë ngjarje kulturore, ku marrin pjesë grupe artistike nga vende të ndryshme.
Përmes interpretimit të valleve dhe traditave shqiptare, fëmijët pjesëmarrës po prezantojnë kulturën dhe vlerat tona kombëtare para një audience ndërkombëtare, duke promovuar trashëgiminë kulturore dhe talentin e brezit të ri.
Festivali “Luajmë dhe Vallëzojmë” shërben si një platformë për shkëmbim kulturor, krijimin e miqësive të reja dhe zhvillimin e aftësive artistike të fëmijëve.
Nga shkolla “Xhavit Ahmeti” i kanë uruar Elsës suksese dhe përvoja të paharrueshme gjatë pjesëmarrjes së saj në këtë festival ndërkombëtar.
