Në ambientet e shkollës “Ibrahim Mazreku” në Malishevë, është mbajtur promovimi i librit me poezi “Ëndërrimet e mia” të nxënëses së klasës së IV/4, Elona A. Suka.
Redaktori dhe lektori i librit, Hamdi Mazreku, bëri një analizë rreth përmbajtjes së veprës, duke theksuar se poezitë e Elonës trajtojnë tema që lidhen me familjen, rrethin shoqëror.
Para të pranishmëve foli vetë autorja, Elona A. Suka, e cila emocionoi të gjithë me interpretimin e një poezie kushtuar babait të saj.
Njoftimi i shkollës “Ibrahim Mazreku” në Malishevë:
📚 PËRUROHET LIBRI I RADHËS I NXËNËSVE TË SHFMU “IBRAHIM MAZREKU”
Sot, në ambientet e SHFMU “Ibrahim Mazreku” në Malishevë, u mbajt promovimi i librit me poezi “Ëndërrimet e mia” të nxënëses së klasës së IV/4, Elona A. Suka.
Programin e moderoi me shumë përkushtim nxënësja Rejana Krasniqi, ndërsa aktivitetin e hapi drejtoresha e shkollës, Rrezartë Mazreku Kastrati, e cila përgëzoi autoren për këtë arritje të veçantë dhe vlerësoi rëndësinë e kultivimit të talentit dhe dashurisë për librin që në moshë të hershme.
Me fjalë përshëndetëse para të pranishmëve u paraqit edhe shefi i DKA-së, Sabit Berisha, i cili vlerësoi punën e shkollës dhe suksesin e nxënëses së re autore.
Më pas, redaktori dhe lektori i librit, Hamdi Mazreku, bëri një analizë rreth përmbajtjes së veprës, duke theksuar se poezitë e Elonës trajtojnë tema që lidhen me familjen, rrethin shoqëror, mësuesen, heroin Ibrahim Mazreku dhe vlera të tjera që e frymëzojnë autoren në jetën e saj të përditshme.
Fjalë rasti mbajti edhe mësuesja Donjetë Paçarizi Kastrati, e cila foli për talentin, përkushtimin dhe dashurinë e Elonës për leximin dhe shkrimin.
Një atmosferë të veçantë krijuan shoqet dhe shokët e klasës së Elonës, të cilët e uruan autoren dhe lexuan poezi të përzgjedhura nga libri i saj.
Në fund, para të pranishmëve foli vetë autorja, Elona A. Suka, e cila emocionoi të gjithë me interpretimin e një poezie kushtuar babait të saj.
Ky promovim përbën një tjetër sukses për shkollën tonë dhe dëshmon përkushtimin e vazhdueshëm në mbështetjen e nxënësve të talentuar dhe zhvillimin e krijimtarisë letrare në mesin e tyre.
Falënderojmë të gjithë mysafirët, prindërit, mësimdhënësit, nxënësit dhe dashamirët e librit që na nderuan me praninë e tyre dhe kontribuuan në suksesin e kësaj ngjarjeje të bukur kulturore.
Urojmë Elonën për këtë arritje të veçantë dhe i dëshirojmë shumë suksese në rrugëtimin e saj të ardhshëm krijues! 📖🌹👏
