Nxënësja Aulona Morina nga Rahoveci merr mirënjohje për përkushtim në sport

Në Shkollën e Mesme të Lartë Shkolla e Mesme e Lartë “Xhelal Hajda – TONI” Rahovec, me propozim të profesorëve të Edukimit Fizik, drejtoresha Remzije Cana ka ndarë mirënjohje për nxënësen Aulona Morina, me motivacionin “Sportiste e dalluar”, shkruan AlbanianEducation.net.

Ky vlerësim është dhënë në shenjë mirënjohjeje për përkushtimin, disiplinën dhe angazhimin e vazhdueshëm në sport gjatë gjithë rrugëtimit të saj trevjeçar në gjimnaz.

Nga institucioni është vlerësuar lart kontributi i saj në aktivitetet sportive shkollore, duke u cilësuar si shembull pozitiv për bashkëmoshatarët dhe nxitje për pjesëmarrje aktive në sport.

Nxënëses Morina i janë uruar suksese të mëtejshme në rrugëtimin e saj arsimor dhe sportiv.