Nxënësja Amela Rizvanolli spikat në garën e artit figurativ në shkollën “Yll Morina” në Gjakovë

Në kuadër të aktiviteteve të Klubit të Arteve, në shkollën “Yll Morina” është organizuar një garë artistike mes nxënësve të klasave të nënta, nën udhëheqjen dhe realizimin e mësimdhënëses së Artit Figurativ, Alba.

Gjatë kësaj gare, nxënësit patën mundësinë të shfaqin talentin dhe kreativitetin e tyre në artin figurativ, përmes teknikave të ndryshme të vizatimit dhe hijezimit.

Si nxënësja më e veçantë e aktivitetit u përzgjodh Amela Rizvanolli, e cila u vlerësua për mënyrën e përdorimit të vijave, hijezimin dhe shprehjen artistike në punimet e saj.

Nga shkolla u shprehën urime për Amelën, duke i dëshiruar suksese të mëtejshme në rrugëtimin e saj artistik dhe kreativ.