Nxënësja e dalluar Altina Haderxhonaj i dorëzoi drejtorit të Gjimnazit “Vëllezërit Frashëri”, dy libra të autorësisë së saj, shkruan AlbanianEducation.net.
Drejtori i shkollës e përgëzoi Altinën për punën, përkushtimin dhe sukseset e saj.
Ai gjithashtu i uroi vazhdimësi në krijimtari dhe theksoi rëndësinë e mbështetjes së shkollës për nxënësit e talentuar.
Librat e dhuruara nga Altina do të bëhen pjesë e “Këndit të krijuesve të rinj” brenda bibliotekës së shkollës, duke i dhënë nxënësve të tjerë mundësinë të njohin talentet e bashkëmoshatarëve të tyre.
Njoftimi i plotë:
Sot, në Gjimnazin tonë si shkollë elitë që formon nxënës elitarë , nxënësja e dalluar Altina Haderxhonaj i dhuroi drejtorit të shkollës dy libra të autorësisë së saj.
Drejtori i pranoi librat me kënaqësi dhe e përgëzoi Altinën për punën, përkushtimin dhe sukseset e arritura, duke i uruar vazhdimësi në krijimtari dhe përkrahje të vazhdueshme nga shkolla.
Këto libra do të jenë pjesë e këndit të krijuesve të rinj të shkollës, brenda bibliotekës së shkollës. Në ditët në vijim, shkolla do të organizojë edhe përurimin e këtyre librave.
