Nxënësja Alea Basha zë vendin e parë në lëndën e Gjeografisë në Kamenicë

Nxënësja Alea Basha nga shkolla “Xhavit Ahmeti”, në Hondoc të Kamenicës ka shënuar rezultate të larta në garat komunale të dijes, shkruan AlbanianEducation.net.

Sipas njoftimit të shkollës, Alea ka fituar vendin e parë në nivel komunal në lëndën e Gjeografisë, ndërsa është renditur e dyta në nivel komunal në lëndën e Kimisë.

Nga shkolla është vlerësuar përkushtimi dhe angazhimi i nxënëses, si dhe mbështetja profesionale e mësimdhënësve Vedat Kastrati dhe Urime Morina në arritjen e këtij suksesi.

Në njoftim, shkolla i ka uruar Alea Bashës suksese të mëtejshme në rrugëtimin e saj akademik.