Kryetari i Partisë Demokratike të Kosovës, Memli Krasniqi ka kritikuar pushtetin për bojkotimin e seancës së jashtëzakonshme të Kuvendit të Kosovës.
I pari i PDK-së tha se për shkak të pa përgjegjësisë të kësaj Qeveria, po u imponohet që me fillon çdo sesion parlamentar me seancë të jashtëzakonshme.
“Është për keqardhje që po na imponohet për shkak të papërgjegjësisë të kësaj qeverie, çdo sesion parlamentare me fillu me seancë të jashtëzakonshme sepse veprimet e kësaj qeveria po e sjellin situaten të tillë”, tha Krasniqi.
Kryetari Kransiqi tha se Qeveria Kurti për herë të parë që nga lufta, i ka lënë fëmijët pa libra, e sipas tij një gjë e tillë është e turpshme dhe shkelje e ligjit.
“Sot do të duhej të diskutonim për reformën në arsim, për mundesitë e reja që ka kriju kjo qeveri, por ne e kemi thirr si opozitë këtë seancë për diçka që askush se kish mendu qe per herët e parë kjo qeveri i ka tlon pa libra nxeneset, kjo është e turpshme, është shkelje e ligjit. Këta njerëz, e kjo ministre ka përgjegjesi penale, e ka shkel ligjin, e kane trefishu koston e librave. Në vend se mi kushtu 4.8 milionë, sot po i kushton 12 milionë”, tha ai.
Sipas Kransiqit, prindërve këtë vit i është shtuar edhe një barrë, duke shkuar lartë e poshtë për librat, ndërsa kërkoi nga Ministrja e Arsimit, Arbërie Nagavci të tregojë nëse ka interesa personale financiare lidhur me këtë, pasi sipas tij, ishte vetë ajo që i kritikonte shtëpitë botuese, dhe tani pikërisht atyre po ua jep paratë
“Sivjet që prindërve ua kanë qit një barrë të re, me nga poshtë e lartë mi ble librat, a din me na tregu minstrja a ka interesa personal financiar, që prej 4.8 milionë e ka bo 12.5 milionë euro, për me jau dhonë pikërisht atyre që kinse i kritikonte , shtëpive botuese”.
“Sa kanë apliku, dhe a janë të gjitha aplikimet të Kosovës, apo ka edhe tjerë që sjanë rezident fare këtu. Prej kujt po ikni? Nuk jeni tu ik prej neve po prej qytetarëve e prindërve. Turp”, përfundoi i pari i PDK-së, Memli Krasniqi.
