Arsimtari i lëndës së Gjuhës Shqipe në shkollën “Lidhja e Pejës”, Halil Elezaj, së bashku me nxënësit e klasave të shtata, realizuan një vizitë të veçantë në Ambasadën e Republikës së Shqipërisë në Prishtinë, ku u pritën me shumë ngrohtësi dhe respekt nga Ambasadori i Shqipërisë.
Gjatë kësaj vizite, nxënësit patën mundësinë të njihen më nga afër me punën dhe veprimtarinë e Ambasadës, duke përjetuar një përvojë të vlefshme edukative dhe kulturore.
Mikpritja e përzemërt dhe atmosfera miqësore e bënë këtë vizitë një kujtim të paharrueshëm për të gjithë pjesëmarrësit.
Mësimdhënësi Halil Elezaj njihet si një ndër mësimdhënësit më të përkushtuar dhe më të dalluar në Komunën e Pejës dhe më gjerë, duke dhënë vazhdimisht kontribut të çmuar në edukimin dhe formimin e brezave të rinj.
Në përfundim të vizitës, drejtori i shkollës “Lidhja e Pejës”, Naim Husaj, shprehu falënderimet më të sinqerta ndaj Ambasadorit të Republikës së Shqipërisë në Kosovë për pritjen e jashtëzakonshme, mikpritjen e ngrohtë dhe respektin e treguar ndaj nxënësve dhe stafit të shkollës.
Ai vlerësoi lart këtë vizitë, duke theksuar se përvoja të tilla janë frymëzuese dhe me vlerë të veçantë për nxënësit në rrugëtimin e tyre arsimor dhe qytetar.
