Nxënësit e shkollës “Ilaz Thaçi” në Han të Elezit marrin dhurata për Kurban Bajram nga ALBA GROUP

Në prag të Festës së Kurban Bajramit, nxënësit e shkollës “Ilaz Thaçi” në Han të Elezit kanë pranuar dhurata nga kompania ALBA GROUP, duke sjellë atmosferë festive dhe gëzim në shkollë, shkruan AlbanianEducation.net.

Sipas njoftimit të shkollës, dhuratat janë shpërndarë për të gjithë nxënësit nga klasat përgatitore deri në klasën e pestë, ndërsa ky gjest është vlerësuar si një traditë e bukur që po vazhdon ndër vite.

Nga drejtoria e shkollës është shprehur mirënjohje për ALBA GROUP dhe për kontribuuesit Sherif Ramuka, Erza Ramuka, Shema Ramuka dhe Amir Bushi, për përkushtimin dhe kujdesin ndaj nxënësve në këtë ditë feste.

“Festën e Kurban Bajramit e bënë madhështore si zakonisht ALBA GROUP”, thuhet në njoftimin e shkollës.