Nxënësit e shkollës “Dëshmorët e Kosharës” krijojnë portretin e Besarta Jasharit

Pranvera Qerimi, mësimdhënëse e gjuhës shqipe në shkollën “Dëshmorët e Kosharës”, mori iniciativën së bashku me nxënësit për të krijuar portretin e Besarta Jasharit, të mbijetuarës së vetme nga Prekazi.

Arsyeja pse mori këtë iniciativë ishte që nxënësit të kenë njohuri sa më shumë për Prekazin.

Në të njëjtën kohë, nxënësit do të mësojnë për historinë e familjes Jashari, por edhe mbijetesën e Besartës.

Pranvera theksoi se me aktivitetet që organizon me nxënësit, mundohet gjithmonë t’u tregojë atyre tmerret që ka kaluar populli shqiptar dhe t’i mësojë që të mos dorëzohen, por të vazhdojnë rrugën e dijes, sepse arma më e fortë kundër armikut është pena dhe dija.