Nxënësit e shkollës “Bajram Curri” në Krushë të Madhe të Rahovecit janë pajisur me uniforma të reja, shkruan AlbanianEducation.net.
Njoftimi i shkollës:
Sot shkolla jonë mori një pamje të mrekullueshme.
Të nderuar prindër!
Projekti i nisur rreth uniformave të reja shkollore sot u finalizua.
Duke e falenderu Këshillin Drejtues të Shkollës, si dhe ju prindër të nderuar, për përkrahjen e treguar për këtë projekt shkollor, sot institucioni ynë edukativo-arsimor ka gjithëpërfshirje në veshjen e nxënësve, ku për këtë ndihemi të lumtur shumë.
Gjithashtu një falenderim të veçantë kanë edhe të gjithë ata kontributdhënës, të cilët ndihmuan nxënësit në nevojë rreth pajisjeve me uniforma shkollore.
“Përpjekjet tona për një shkollë MODEL nuk do t’i ndalim asnjëherë”
Urime, i gëzofshi uniformat e reja nxënës të dashur!
Me shumë respekt dhe mirëkuptim!
Drejtori i SHFMU “Bajram Curri”
Rrezart Veseli
Krushë e Madhe
Faleminderit! Foto “Eti”
