Nxënësit e mjekësisë në Mitrovicë nuk po lejohen të dalin jashtë rrethojes gjatë pushimit të gjatë

Nxënësit e shkollës së mesme të mjekësisë “Xheladin Deda” në Mitrovicë janë të pakënaqur me trajtimin që po ju bëhet.

Ata janë ankuar në adresë të “Jepi zë” se drejtoresha e shkollës ka vendosur të mos i lejojë të dalin jashtë rrethojes gjatë pushimit të gjatë.

Në adresë të “Jepi zë” kanë dërguar edhe foto nga momenti kur punëtorët teknik mbyllin dyert e oborrit, për të mos i lënë të dalin.

Sipas tyre kjo po ndodhë për shkak të hapjes së byfes, dhe detyrimit për të blerë aty, ndërsa ata kanë hedhur edhe dyshime se dikush po përfiton me këtë rast.

Ndryshe dje nxënësit mitrovicas kanë shprehur pakënaqësin e tyre duke dalur në dritare.