Gjimnazi i Shkencave Shoqërore “Ahmet Gashi” ka organizuar ceremoninë e ndarjes së mirënjohjeve për nxënësit që përfaqësuan shkollën në garën ndërkombëtare “Ça-Kavski”, e mbajtur në Zarë të Kroacisë, ku arritën rezultate të suksesshme.
Gjatë ceremonisë, drejtuesit e shkollës vlerësuan angazhimin, kreativitetin dhe përkushtimin e nxënësve, të cilët prezantuan denjësisht institucionin arsimor në këtë aktivitet ndërkombëtar.
Përveç nxënësve, me mirënjohje u nderuan edhe mësimdhënëset mentore, Arijeta Loxha dhe Florina Berisha, për kontributin e tyre në përgatitjen dhe mbështetjen e vazhdueshme të pjesëmarrësve gjatë procesit të garës.
Nga shkolla u theksua se këto arritje dëshmojnë nivelin e përgatitjes së nxënësve dhe përkushtimin e stafit mësimor në promovimin e dijes dhe talentit në arenën ndërkombëtare.
Gjimnazi i Shkencave Shoqërore “Ahmet Gashi” uroi të gjithë nxënësit dhe mësimdhënëset për suksesin e arritur, duke shprehur besimin se rezultate të tilla do të vazhdojnë edhe në të ardhmen.
