Nxënësi shqiptar në Preshevë merr çmimet e para për lëndët shkencore

Nxënësi shqiptar në Preshevë, Ajan Hajrullahu, ka fituar vendin e dytë në garat shtetërore në Serbi për lëndën e kimisë të klasave të teta.

Nxënësi i shkollës fillore “Ibrahim Kelmendi”, po tregon suksese të larta në lëndët shkencore. Kjo është hera e parë në këto vitet e fundit që një nxënës shqiptar atje arrin sukses duke dalur në tri vendet e para për shkencë.

Përveç lëndës së kimisë, Ajani ka treguar sukses edhe në matematikë dhe fizikë ku ka dalë i pari në garat shkollore komunale dhe ato regjionale. Ai ka përfaqësuar shkollat shqiptare të Luginës së Preshevës në garat shtetërore të Serbisë.

Ndërsa më 21 prill, ai gjithashtu ka marrë pjesë në garat shtetërore të lëndës së fizikës ku ka dalë fitues i çmimit të tretë.