Shkolla “Mihail Grameno”, në Fushë Kosovë ka njoftuar se nxënësi Rubin Bajrami, nxënës i klasës III-5, është kualifikuar në finalen ndërkombëtare të garës Spelling Bee, shkruan AlbanianEducation.net.
Njoftimi i shkollës:
Me krenari ju njoftojmë se nxënësi i Shkollës “Mihal Grameno” (cikli I–V), Rubin Bajrami, nxënës i klasës III-5, është kualifikuar në finalen ndërkombëtare të garës Spelling Bee, të organizuar nga Infinit Center.
Ky sukses është rezultat i përkushtimit, punës dhe angazhimit të tij. E përgëzojmë Rubinin për këtë arritje të jashtëzakonshme dhe i urojmë suksese të mëtejshme.
Mirënjohje dhe falënderim i veçantë shkon edhe për mësuesen e gjuhës angleze, znj. Mirjeta Krasniqi, për përkushtimin, motivimin dhe mbështetjen e vazhdueshme gjatë përgatitjes së nxënësit.
I urojmë Rubinit shumë suksese në finalen ndërkombëtare dhe një përfaqësim sa më dinjitoz të shkollës sonë dhe të vendit tonë!
Urime Rubinit dhe mësueses Mirjeta për këtë sukses të merituar
