Nxënësi Orion Shtrezi nga Gjakova është pranuar si student me bursë të plotë shkollore në Universitetin Yale në Shtetet e Bashkuara të Amerikës, një nga universitetet më prestigjioze në tërë botën, shkruan AlbanianEducation.net.
Njoftimin e ka dhënë drejtoresha e Arsimit në Gjakovë, Eranda Kumnova, e cila thotë se Orioni, është një shembull frymëzues për të gjithë të rinjtë në vendin tonë.
Postimi i saj:
Kam takuar sot nxënësin më ekselent të komunës tonë Orion Shtrezi.
Orioni është nxënës i gjimnazit ” Hajdar Dushi” dhe si në shkollë poashtu në çdo garë ka triumfuar me vendet e dalluara.
Me kënaqësi e kemi pranuar lajmin e mrekullueshëm që Orion Shtrezi është pranuar si student me bursë të plotë shkollore në Universitetin Yale në Shtetet e Bashkuara të Amerikës, një nga universitetet më prestigjioze në tërë botën.
Kjo arritje dhe mundësi e jashtëzakonshme për Orionin, është një shembull frymëzues për të gjithë të rinjtë në vendin tonë.
