Nxënësi shqiptar Marius Gjika ka arritur një sukses të rëndësishëm në arenën ndërkombëtare të matematikës, duke u shpallur fitues i medaljes së argjendtë në Olimpiadën e zhvilluar në kuadër të Kampit Ndërkombëtar Veror të Matematikës në Pekin, Kinë, shkruan AlbanianEducation.net.
Në këtë aktivitet prestigjioz morën pjesë mbi 50 ekipe të Olimpiadës Ndërkombëtare të Matematikës (IMO 2026), ku garuesit u përballën me sfida të nivelit të lartë në fushën e matematikës.
Lajmi u bë i ditur nga Shoqata Shqiptare e Matematikës, e cila përgëzoi Marius Gjikën.
“Lajme shume te mira nga Bejing, Kine. Me kenaqesi njoftojme qe ne Olimpiaden e zhvilluar ne Kampin Nderkombetar Veror te Matematikes me pjesmarrjen e mbi 50 ekipe IMO 2026, nxenesi Marius Gjika i ekipit shqiptar eshte fitues I medaljes se Argjendit. Urime”, thuhet në njofitm.
