Një sukses i jashtëzakonshëm është shënuar nga nxënësi Lum Maqedonci, i cili përfaqësoi me dinjitet shkollën “Hasan Prishtina” në arenën ndërkombëtare.
Nxënësi i klasës IV/5, nën udhëheqjen e mësueses Jeta Shehu, ka arritur të fitojë vendin e parë në Garat Ndërkombëtare të Abakusit dhe Aritmetikës Mentale, shkruan AlbanianEducation.net.
Këto gara u organizuan nga Brainobrain Academy International dhe u mbajtën në format online më 24 janar 2026, duke mbledhur pjesëmarrës nga vende të ndryshme të botës.
Njoftimi i shkollës:
Nxënësi Lum Maqedonci, nxënës i klasës IV/5, me mësuese Jeta Shehu, ka arritur një sukses të jashtëzakonshëm duke fituar vendin e parë në Garat Ndërkombëtare të Abakusit dhe Aritmetikës Mentale.
Garat u organizuan nga Brainobrain Academy International dhe u mbajtën online më 24 janar 2026.
Urime të përzemërta për Lumin për këtë arritje të shkëlqyer!
Drejtoria e shkollës
