Shkolla “Xhemail Mustafa” ka shënuar një tjetër sukses të rëndësishëm në arenën ndërkombëtare të dijes.
Nxënësi Kron Krasniqi, nga klasa 3/3, është shpallur kampion për herë të tretë radhazi në Garat Ndërkombëtare të Abakusit dhe Aritmetikës Mentale.
Në një konkurrencë të fortë me mbi 23 mijë nxënës nga 79 vende të botës, Kron Krasniqi ka dëshmuar aftësi të jashtëzakonshme në llogaritje dhe përqendrim, duke u renditur në vendin e parë.
Ky rezultat i lartë vjen si fryt i përkushtimit, disiplinës dhe punës së vazhdueshme të tij.
Postimi i shkollës:
🏆 Krenaria jonë, Kron Krasniqi! 🇽🇰✨
Nxënësi ynë Kron Krasniqi nga klasa 3/3 është shpallur Champion për herë të tretë radhazi në Garat Ndërkombëtare të Abakusit dhe Aritmetikës Mentale 🥇🧠
Në një konkurrencë prej mbi 23,000 nxënësish nga 79 vende, Kroni dëshmoi përkushtim dhe aftësi të jashtëzakonshme!
Ky sukses është një dëshmi e punës, disiplinës dhe talentit të tij, si dhe një krenari e madhe për shkollën dhe familjen e tij. 📚✨
Urime Kron! 🌟 Je frymëzim për të gjithë ne! 👏
