Engjëll Ibrahimi, nxënës i shkollës “Shmu2” është kualifikuar në finalen e madhe të garës ndërkombëtare STEM, që do të mbahet në Romë, shkruan AlbanainEducation.net.
Njoftimi i plotë:
Nxënësi ynë Engjëll Ibrahimi,nxënës i klasës së shtatë, është kualifikuar në finalen e madhe të garës ndërkombëtare STEM, që do të mbahet në Romë.
Ky është një rezultat i shkëlqyer që dëshmon talentin, përkushtimin dhe potencialin e tij. Engjëlli ka arritur këtë sukses si gërshetim të punës në mes shkollës sonë dhe shkollës private Innovation Academy,shkollë kjo e udhëhequr nga Ensar Bajrami.
Shprehim falënderim të sinqertë për Innovation Academy për kontributin dhe përkushtimin në zhvillimin e talentëve të rinj, si dhe për mundësitë që u ofron nxënësve për t’u zhvilluar në fushën e shkencës, teknologjisë dhe inovacionit.
Shkolla jonë mbetet gjithmonë e hapur dhe e gatshme për bashkëpunime të tilla në të mirë të nxënësve tanë, duke mbështetur çdo iniciativë që nxit dijen, kreativitetin dhe suksesin e tyre.
Urime Engjëllit për këtë arritje dhe shumë suksese në finalen në Romë!
