Nxënësi Elton Syla nga shkolla “Mehmet Gjevori” ka zënë vendin e parë në edicionin e tretë të konkursit Tempo në Gjirokastër, shkruan AlbanianEducation.net.
Njoftimi:
Eltoni dhe magjia e tingujve të 🎻
Magjinë e tingujve të violinës e bën më të magjishme interpretimi i mrekullueshëm i nxënësit tonë, Elton Syla, sa herë kemi programe dhe aktivitete festive në shkollë.
Po, Eltoni, tashmë magjinë e tingujve të 🎻 po e shpërndan me përfaqësim dinjitoz të shkollës së Muzikës “Prenk Jakova”.
Në edicionin e tretë të konkursit “TEMPO” të mbajtur në Gjirokastër, me interpretimin e tij, Eltoni rrëmbeu vendin e parë, zemrat e jurisë profesionale dhe publikut.
E përgëzojmë për suksesin e arritur dhe e urojmë që me talentin e tij të prekë majat e suksesit me pjesëmarrjen e tij në festivalet më prestigjioze në botë.
