Edion Ademi, nxënës i dalluar në Gjimnazin Natyror “Xhavit Ahmeti”, në Gjilan në prag të përfundimit të maturës, ka arritur një sukses të jashtëzakonshëm, duke u renditur i pari në Olimpiadën e Kimisë në Kosovë, shkruan AlbanianEducation.net.
Ky rezultat nuk është vetëm një dëshmi e talentit të tij, por edhe falë punës së palodhur, disiplinës dhe dashurisë së madhe për këtë fushë shkencore.
Tashti, kur maturantët janë në përfundim të shkollimit të mesëm, Edioni vetit i ka vënë një detyrë tjetër, të bëhet student në Fakultetin e Mjeksisë dhe ai është duke punuar me të madhe në këtë drejtim.
Për Edionin, fjalë miradije thotë edhe mësimdhënësi i tij, Ilir Kastrati, që shprehet se ai është ndër nxënësit më të mirë në kimi, andaj ky sukses nuk është i rastësishëm.
