Po vije një yll i ri në botën e artit dhe ai ka një emër të shquar: Dielli Sejdiu.
Djaloshi i shkollës fillore “Destan Bajraktari” në Suharekë në festivalin “Fëmijët në skenë”, është zgjedhur si aktori më i mirë. Ky sukses është një shenjë e qartë e talentit dhe pasionit të tij për artin.
Dielli Sejdiu sjell në skenë jo vetëm një performancë të mrekullueshme, por edhe një trashëgimi artistike, si djali i aktorit të njohur Burhan Sejdiu (Bushi) dhe nipi i zërit të ëmbël të SHKA “Jehona”, Hajriz Sejdiu.
Me një trashëgimi të tillë artistike, është e pamundur të mos shihet potenciali i tij për të arritur lartësi në botën e artit.
Duke pasur këtë sukses të hershëm, Dielli Sejdiu është një model frymëzimi për shokët e tij dhe të gjithë ata që duan të ndjekin ëndrrën e tyre në botën artistike. Talent, përkushtim dhe pasion – këto janë cilësitë që e shënojnë në vendin e tij.
Ne i urojmë Diellit të vazhdojë rrugëtimin e tij artistik me sukses dhe të arritura të shumta në të ardhmen. Ai është një diell që rrezaton dhe do të vazhdojë të shndërrojë çdo skenë në një mrekulli artistike. Falënderojmë dhe urojmë suksese të mëtejshme për aktorin e ri të talentuar, Diell Sejdiu! / Marrë nga Suhareka Express
