Nxënësi i Shkollës së Muzikës në Gjilan, Aron Musliu, ka arritur një sukses të rëndësishëm duke zënë vendin e parë në garat e pianos të mbajtura në Shkup, shkruan AlbanianEducation.net.
Ky rezultat i jashtëzakonshëm vjen si dëshmi e talentit, përkushtimit dhe punës së vazhdueshme të Aranit në fushën e muzikës klasike, si dhe mbështetjes profesionale nga mësimdhënësit e tij në Shkollën e Muzikës në Gjilan.
Pjesëmarrja në këtë garë ndërkombëtare ka sjellë vlerësime të larta për performancën e tij, duke e renditur atë në mesin e pianistëve më të dalluar të moshës së tij.
Ky sukses përbën një arritje të rëndësishme jo vetëm për Aronin dhe familjen e tij, por edhe për shkollën dhe qytetin e Gjilanit, duke dëshmuar potencialin dhe cilësinë e nxënësve në institucionet muzikore të vendit.
