Nxënësi, Ariton Dragaj, nga shkolla fillore dhe e mesme e ulët “Shotë Galica” në Runik, pjesëmarrës në Olimpiadën e Katërt Matematike Kosovë-Shqipëri.
Olimpiada e Katërt Matematike Kosovë-Shqipëri për klasët VII-IX po mbahet në kryeqytetin e Shqipërisë, Tiranë, prej datës 18.07.2023 deri më 20.07.2023, në hapësirat e shkollës jopublike “ACT – Albanian College of Tirana”.
Olimpiada Matematike Kosovë-Shqipëri (ang. Kosovo and Albania Mathematical Olympiad – KAMO) është një olimpiadë e përbashkët e dy shteteve shqiptare: Kosovës dhe Shqipërisë, e cila ka për qëllim mbështetjen e talentëve të rinj shqiptarë që kanë prirje për matematikë.
Pjesëmarrës në këtë olimpiadë është edhe nxënësi i klasës së nëntë nga shkolla fillore dhe e mesme e ulët “Shotë Galica” në Runik, Ariton Dragaj, i cili zuri vendin e katërt në Olimpiadën Matematike të Kosovës 2023 në nivel shteti dhe vendin e parë në nivel komunal.
Kjo olimpiadë do të jetë tradicionale dhe do të organizohet për çdo vit.
Nxënësit, Ariton Dragaj, i dëshirojmë suksese në këtë olimpiadë dhe shpresojmë të na kthehet me rezultate të mira edhe në këtë garë.
